NOUPOORT
-deur Pieter Bonthuyzen-
Wanneer Angelique Muller wegloop na ‘n kinderlewe vol seerkry en pyn, bevind sy haarself ‘n paar jaar later vasgevang in ‘n leefstyl van dwelms en drank, wat byna haar lewe eis. Kort voor lank is sy terug in Noupoort waar sy omring word deur hart mense wat haar bystaan en haar klewe meer sin gee.
Angy staan skielik op ‘n kruispad waar sy haar pa moet vergewe. Dit raak vir haar ‘n sielswroeging en so begin sy die reis deur haarself om tot op die punt van vergifnis te kom. Sy besef gou dat vergifnis net op een plek verkry kan word…anderkant die nou poort.
Haar beste vriend uit haar kinderdae maak onverwags sy verskyning. Pieter Truter het self gevlug om van die spoke in sy kop, en dalk ook sy hart, ontslae te raak. Dié twee boesemvriende het albei ‘m moeilike pad om te stap, om tot by die vars windpomp-water van vergifnis uit te kom.
Boek naam: Noupoort
Skrywer/Outeur: Pieter Bonthuyzen
Boek aanbieding: PDF
Bladsye: 194
1ste Uitgawe, Eerste druk 2017
Geneviève Schourie –
Vergifnis is ’n wilsbesluit. Emosies is onstabiel, maar vergifnis spruit uit geloof, en dit maak dit ’n vaste, fundamentele aksie wat jy in gehoorsaamheid aan God doen. God eer ook hierdie wilsbesluit van jou om te wil vergewe.
In die Bybel beteken die Griekse woord wat met “vergifnis” vertaal word, letterlik “om te laat vaar”, soos wanneer iemand nie daarop aandring dat skuld afbetaal word nie.
Maar net so kom daardie besluit om te vergewe nie maklik nie…
Noupoort het nie net my oë oopgemaak om die seer in ander se onvergifnis raak te sien nie maar ook die oorsprong van my eie seer te ondersoek en die deure van vergifnis in myself oop te maak sodat die soet windpomp water die bitterheid kan wegwas en my siel weer vry kan wees om te glo in die goeie daar buite.
Dit was ‘n mengelmoes van emosies en openbaring wat my doelbewus gelei het na dit waarna my siel al hoe lank gesmag het.